公主小妹

考完試之後 ... 除左開始復工part time之外...我仲開始返我睇台劇既娛樂..
今次既目標係公主小妹...已經睇左3集...都唔錯...
其實台灣人好識搵劇本...佢地成日都搵到日本d好睇既小說黎改篇拍偶像劇..唔似香港個d劇情內容欠逢...(都有例外啦...之前睇18禁不禁...因為太悶...未睇到去結局就放棄左唔追囉...)

X'mas Party

今日公司係lunch time攪x'mas party ..成個division都去左..
成百幾人係哂一間房度一齊食野同抽獎...都okay啦...
我都幾好財彩...抽中左42獎...haha :)


呢個就係我份禮物同我個位啦......真係好細張 ...

開頭以為係杯..點知係一盒朱古力... ha..今年第一份聖誕禮物!

嘔了 ~~

尋晚約左細佬睇戲...
我地揀左 I Am Legend ... d 戲飛剛剛星期四加左價 .. 要成65一張 ..好彩我有voucher, 可以慳返筆 :)

套戲好唔好睇 ? 一般啦.. 情節俾我想像中少 ... 只係個d 音效/氣氛營造得唔錯, 嚇到我細佬全程縮埋一邊.. 笑死我 ...

之後我地去左食峰壽司 .. d 壽司好似冇以前咁好食 同 細舊左咁.. haha

食完野之後都11點, 我地屎忽痕去bar 飲酒 .. $200 for all unlimited ...
點知 ... 原來d人酒量好細 .. 最後我一個飲左一jar半 ... =__="
本來好地地, 但一搭n車鄧多兩野就係車上面嘔 ... 嘔到成見衫都係...
跟住就訓左 ... 一到總站就唔知點解醒左...都幾勁 -,-?!
返到屋企第一件事就係衝入廁所...但唔係沖涼...係度攪住個馬筒勁嘔 ...之後隨哂d 衫褲佢 =.=

自從上次那一次之後 ... 真係好耐未試過咁樣嘔 .. 最衰都係架 n 車 = =!!

Assignment Week

Matthew 講得一 d 都冇錯, 係 city 讀書從來都冇 revision week, 由其是讀 cs ...
差唔多每個 semester 尾既時候都係度趕功課, 往往做哂功課既時候已經是考試既開始, 真係好難令人透氣過來 ...
今個 sem 雖然我出左去 placement, 但又有 part time jobs 又讀緊 2 科, 自然時間唔多夠用 ...
開頭以為讀 2 科好小兒科 ... (平時full time 讀5 , 6 科都係咁啦 , 係咪 ?) .. 點知原來返工 + part time 讀書都幾係野 ... 就講今個禮拜我已經要交 4 份assignments ... 話多唔多, 話少唔少 ...
可惜既係撞正呢排我返工又多野做, 放工又忙, 原本打算係公司做功課既計劃實行唔到 .. 都幾慘下架.. haha
Anyway, 而家忙黎偷閒上黎寫下blog 希望可以幫我清醒下我頭腦 ... 等過埋聽日交哂功課就可以開開心心去泰國渡假囉 :)

心靈輔導

尋晚同左兩個人傾下心事.. 講下自己呢排做咩事唔開心 ..
雖然問題唔會解決到, 但係令我自己既想法有d 改變 ...
有時有d野一著緊個陣就好有要求...只要令自己唔再重視那事物個陣, 問題就會解決.
haha ..
做返以前既自己或許會開心 d , 但現在還未到時候 ^^"

感情

正如俗話說, 感情係唔可以免強的.

係香港呢個典型既現實社會, 各自各顧自己係在所難免 ...

我認為罵人什麼「重色輕友」已是俾面 ... 正確些來說是對方根本不當你是朋友才會這樣 !

出賣

近日總是有種被出賣的感覺．．．

誰想到是你　連自己都恥笑我 

曾是好姊妹　竟跟他數算我 

假好心的交代過　你說他早想甩我 

更說愛你竟比我多 　

就算情人多壞　亦慣了照捱 

被戰友戰敗　就似親手給活埋 

被你無情出賣　由細個到大 

就算再偉大　仍恨你太像猶大 　

其實發誓留下隔夜仇未報也好 

讓你們欠定我都好 

什麼不好抱你誓跟他擁抱 

友誼情人全不保 

要是來日你二人沒有屋租 

大概共我亦同居到　你跟他喜好 

我什麼都知道　我自願做伴娘更高 

絕沒甚麼羞恥之心真可安樂就做 

我伴侶　我伴侶　抱著了我的知己 

將我擊倒　比掌摑更高 

要是來日你二人沒有屋租 

大概只我亦同居到　你都不知道 

我有冤不必報　我越受害越顯很清高 

你二人為隔夜仇內疚最好 

別要認錯亂說聲早　你跟他喜好 

我什麼都知道　我自願做伴娘更高 

恨亦付出不少心機只好出賣量度 

我未到卻做到 

看著你與他怎麼早晚不保 

比寬恕更高